भारत की संस्कृति के लिए... भाषा की उन्नति के लिए... साहित्य के प्रसार के लिए
लोक संगीत
कविता कोश विशेष क्यों है?
कविता कोश परिवार

आँखाहरुले रुन नखोजे / किरण खरेल

Kavita Kosh से
यहाँ जाएँ: भ्रमण, खोज



आँखाहरूले रुन नखोजे
ओठहरूले हाँस्न नखोजे
जीवन
कति सुन्दर हुन्थ्यो होला मेरो जीवन

मानिसभित्र किन मन हुन्छ
मनभित्र किन चाहना हुन्छ
उदास चाहना पनि
किन इन्द्रेणी सपना हुन्छ
सपनाहरूले रहन नआए
खुसीहरूले चाहन नआए
जीवन
कति सुन्दर हुन्थ्यो होला मेरो जीवन

संसार अट्ने मुटुमा किन
माया सिवाय केही अटेन
आफूलाई भुल्न सक्नेले अहिले
अरूलाई भुल्न किन सक्तिनँ
मायाहरूले चुम्न नआए
आशाहरूले छुन नआए
जीवन
कति सुन्दर हुन्थ्यो होला मेरो जीवन