भारत की संस्कृति के लिए... भाषा की उन्नति के लिए... साहित्य के प्रसार के लिए
  काव्य मोती
लोक संगीत
कविता कोश विशेष क्यों है?
कविता कोश परिवार

कठै ? / सांवर दइया

Kavita Kosh से
यहाँ जाएँ: भ्रमण, खोज

चालूं कित्ती क दूर और कठै ?
अंत बिहूणै पथ रो छोर कठै ?

उजास खातर भटकै मन म्हारो
आं काळी रातां री भोर कठै ?

झटकै सूं तोड़ नाखै स्सै जाल
बतावो तो सरी बो जोर कठै ?

थारी-म्हारी न्यारी सांसा नै
बांध लै सागै बा डोर कठै ?

अठै जुगां सूं छांट नै तरसां
कांई करां जे बरसै लोर बठै ?