भारत की संस्कृति के लिए... भाषा की उन्नति के लिए... साहित्य के प्रसार के लिए
लोक संगीत
कविता कोश विशेष क्यों है?
कविता कोश परिवार

कोन जल पटेबऽ मालिन / मैथिली लोकगीत

Kavita Kosh से
यहाँ जाएँ: भ्रमण, खोज

मैथिली लोकगीत   ♦   रचनाकार: अज्ञात

कोन जल पटेबऽ मालिन, बेली-चमेली
मालिन कोन जल पटेबऽ अड़हुल फूल
नदी जल पटेबै हे बरतिन, बेली-चमेली
बरतिन गंगाजल पटेबै अड़हुल फूल
कोन सूत गथबऽ मालिन, बेली-चमेली
मालिन कोन सुत गथबऽ अड़हुल
रेशम सुत गथबै बरतिन बेली-चमेली
बरतिन सोन सुत गथबै अड़हुल
किनका पहिरयबऽ हे मालिन बेली चमेली
मालिन किनका पहिरयबऽ अड़हुल फूल
सूर्य के पहिरयबनि बरतिन बेली-चमेली
बरतिन दीनानाथ पहिरयबनि अड़हुल फूल