भारत की संस्कृति के लिए... भाषा की उन्नति के लिए... साहित्य के प्रसार के लिए
लोक संगीत
कविता कोश विशेष क्यों है?
कविता कोश परिवार

गर्छिन् पुकार आमा / म. वी. वि. शाह

Kavita Kosh से
यहाँ जाएँ: भ्रमण, खोज

गर्छिन् पुकार आमा रोई कराई जोडले
हैन मेरो भन्छिन् सन्तान थरीथरीका

कोही धनी असाध्य कोही गरीब माग्ने
सक्दिनँ देख्न भन्छिन् सन्तान थरीथरीका

नाङ्गो छ आङ कहीँ कहीँ पोसाक मखमल
सक्दिनँ हेर्न भन्छिन् सन्तान थरीथरीका

सुनको थाल काहीँ, काहीँ छ पात खाली
सक्दिनँ सुन्न भन्छिन् सन्तान थरीथरीका

भन्छन् महल कसैका काहीँ छ चुथ्रो झुप्रो
सक्दिनँ सहन भन्छिन् सन्तान थरीथरीका