भारत की संस्कृति के लिए... भाषा की उन्नति के लिए... साहित्य के प्रसार के लिए
लोक संगीत
कविता कोश विशेष क्यों है?
कविता कोश परिवार

घाममा पनि माया लागेको छ / चाँदनी शाह

Kavita Kosh से
यहाँ जाएँ: भ्रमण, खोज


घाममा पनि माया लागेको छ
पानीमा पनि माया परेको छ
फूलमा पनि माया फुलेको छ
रुखमा पनि माया झुलेको छ
हामीले सायद देख्न सकेनौँ कि
देख्नुमै मायाको माने लुकेको छ

आँखाले पनि माया हेरेको छ
ओठले पनि माया बोलेको छ
मुटुले पनि माया धड्केको छ
मनले पनि माया बोलेको छ
हामीले सायद अर्थै बुझेनौँ कि
बुझ्नुमै मायाको अर्थ लागेको छ

भिरमा पनि माया अडेको छ
पाखामा पनि माया बसेको छ
खोलामा पनि माया बगेको छ
हिउँमा पनि माया जमेको छ
हामीले सायद होसै गरेनौँ कि
होसमै मायाको मर्म बाँचेको छ

शब्द: चाँदनी शाह
संगित: नातिकाजी
स्वर: तारादेवी