भारत की संस्कृति के लिए... भाषा की उन्नति के लिए... साहित्य के प्रसार के लिए
लोक संगीत
कविता कोश विशेष क्यों है?
कविता कोश परिवार

छाया / रमेश क्षितिज

Kavita Kosh से
यहाँ जाएँ: भ्रमण, खोज



सम्झिन्छु– अझै सम्झिन्छु
प्रचण्ड गर्मीको त्यो दिन !

उक्लदै उकालीहरू आयौ तिमी
सुस्तायौ छायामा र हेर्‍यौ टाढाको क्षितिज
पुछ्यौ निधारका पसिना र मेट्यौ थकान,

सम्झिन्छु– नदीजस्तो तिम्रो यात्रा
र, मेरो किनारजस्तो जीवन– एकैपल्ट सम्झिन्छु !

मनमा कत्रो सन्तुष्टि थियो
एकैछिनलाई सही छहारी त भएँ तिम्रो
तर फेरि उठेर हिड्यौ तिमी आफ्नै गन्तव्यतिर

म एउटा छाया !
रूखभन्दा पर मेरो अस्तित्व छैन
चाहेर पनि हिड्न सक्दिनँ म कुनै प्रिय बटुवासँग,

आफू अचल उभिरहेको सम्झिन्छु
तिमी टाढा– धेरै टाढा पुगेको सम्झिन्छु !