भारत की संस्कृति के लिए... भाषा की उन्नति के लिए... साहित्य के प्रसार के लिए
लोक संगीत
कविता कोश विशेष क्यों है?
कविता कोश परिवार

तिमीले दिएका मायालु कोसेलीहरुले / चाँदनी शाह

Kavita Kosh से
यहाँ जाएँ: भ्रमण, खोज

तिमीले दिएका मायालु कोसेलीहरुले
मान्छेलाई माया प्रति अास्था जन्माएछन् ।
तिमीले दिएका खुशी र उमङ्गहरुले
मान्छेलाई खुशी प्रति आशा दिलाएछन् ।।

हुन त यो तिम्रो मेरो घरायसी माया हुन पर्ने हो
तर आज हाम्रो मायाले तिमी र म को परीधी कोरेछ
हुन त यो तिम्रो र मेरो परस्पर खुशी हुन पर्ने हो
तर आज हाम्रो खुशी ले हामी दुईको सिमाना नाघेछ ।।

तिमीले दिएका मेरा यि भावनाहरुले
आज हेर कतीलाई बिउँझाएछन्
तिमीले दिएका मेरा यि प्रेरणाहरुले
अलिअली गर्दै धेरैलाई रङ्गाएछन्
तिमीले दिएका मायालु कोसेलीहरुले ।

हुन त यो तिम्रो र मेरो ब्यक्तिगत प्रित हुन पर्ने हो
तर आज हाम्रो प्रित यो कती गीतको सङ्गीत बनेछ
हुन त यो तिम्रो र मेरो आपसको कथा हुन पर्ने हो
तर आज हाम्रो कथाले कती पलको आकार कोरेछ ।।

तिमीले दिएका मायालु कोसेलीहरुले
मान्छेलाई माया प्रति अास्था जन्माएछन् ।
तिमीले दिएका खुशी र उमङ्गहरुले
मान्छेलाई खुशी प्रति आशा दिलाएछन्
तिमीले दिएका मायालु कोसेलीहरुले ।।