द्वी हजार आठ भादौं का मास / गढ़वाली
- अंगिका लोकगीत
- अवधी लोकगीत
- कन्नौजी लोकगीत
- कश्मीरी लोकगीत
- कोरकू लोकगीत
- कुमाँऊनी लोकगीत
- खड़ी बोली लोकगीत
- गढ़वाली लोकगीत
- गुजराती लोकगीत
- गोंड लोकगीत
- छत्तीसगढ़ी लोकगीत
- निमाड़ी लोकगीत
- पंजाबी लोकगीत
- पँवारी लोकगीत
- बघेली लोकगीत
- बाँगरू लोकगीत
- बांग्ला लोकगीत
- बुन्देली लोकगीत
- बैगा लोकगीत
- ब्रजभाषा लोकगीत
- भदावरी लोकगीत
- भील लोकगीत
- भोजपुरी लोकगीत
- मगही लोकगीत
- मराठी लोकगीत
- माड़िया लोकगीत
- मालवी लोकगीत
- मैथिली लोकगीत
- राजस्थानी लोकगीत
- संथाली लोकगीत
- संस्कृत लोकगीत
- हरियाणवी लोकगीत
- हिन्दी लोकगीत
- हिमाचली लोकगीत
द्वी हजार आठ भादौं का मास
सतपूली मोटर बौंगीन[1] खास
से[2] जावा भै बन्दो अब रात ह्वैगी
रुण-झुण, रुण-झुण बारसि लैगे,
काल की सी डोर[3] निदंरा यैगे
घनघोर निंदरा जूब सबू येगी
मोटर का छत पांणी भोरे गे
भादौं का मैना रुण-झुण पांणी
हे पापी नयार क्या बात ठांणी
सबेरी उठीकी जब औंदा भैर
बौगीकि[4] औंदान सांदण खैर[5]
डरैबर[6] कलैंडर सबी कठा होवा
अपणी गाड्यो मा पत्थर मोरा
गरी ह्वै जाली गाड़ी रुकि जालो पाणीं
हे पापी नयार क्या बात ठांणी
अब तोड़ा जंदेऊ कफङ्यों खोला
हे राम, हे राम! हे शिव बोला
डरैबर कलैंडर सबी भेंटी[7] जौला
ब्याखन बिटीन येखूली रौला
भग्यानू की मोटर छाला[8] लैगी
अभाग्यों की मोटर डूबण लैगी
शिवानन्दी को छयो गोबरदन दास
द्वी हजार रुप्या छया तैका पास
गाड़ी बगदी जब तैन देखी
रुप्यों की गड़ोली[9] नयार[10] फेंकी
हे पापी नयार कमायों त्वैकू
मंगसीर का मैना ब्यो छऊ मैकू
सतपूली का लाला तुम घौर जैल्या
मेरी हालत मेरी माँमा बोलल्या
मेरी माँ मा बोल्यान तू माजी मेरी
तो रयो माँ जो गोदी को तेरी
मेरी माँ को बोल्यान नी रयी सास
सतपूली मोटर बौगोन खास।
