भारत की संस्कृति के लिए... भाषा की उन्नति के लिए... साहित्य के प्रसार के लिए
लोक संगीत
कविता कोश विशेष क्यों है?
कविता कोश परिवार

मन्दिरमा छ कि मूर्तिमा माया / किरण खरेल

Kavita Kosh से
यहाँ जाएँ: भ्रमण, खोज


मन्दिरमा छ कि मूर्तिमा माया
पत्थरमा छ कि धूलोमा माया
कोही त देखाऊ कोही त बताऊ
खै कहाँ छ, कहाँ? कहाँ छ माया?

एक अञ्जुली मायाको लागि पलपल हृदय चर्कन्छ
साउन र भदौ बनेर आँखा वर्षौं वर्षा वर्षन्छ
हाँसोमा छ कि आँसुमा माया
फूलमा छ कि काँडामा माया
कोही देखाऊ कोही त बताऊ
खै कहाँ छ कहाँ? कहाँ छ माया?

एउटी आमा जिउँदै जल्छे छोराको माया ममतामा
एउटा छोरो मरेर बाँच्छ आमाको सपना विपनामा
रगतमा छ कि नातामा माया
विश्वासमा छ कि बाचामा माया
कोही त देखाऊ कोही त बताऊ
खै कहाँ छ कहाँ? कहाँ छ माया?