भारत की संस्कृति के लिए... भाषा की उन्नति के लिए... साहित्य के प्रसार के लिए
लोक संगीत
कविता कोश विशेष क्यों है?
कविता कोश परिवार

यो फूल जस्तो त्यो मन भए / धनेन्द्र विमल

Kavita Kosh से
यहाँ जाएँ: भ्रमण, खोज


यो फूल जस्तो त्यो मन भए कतिमा हुन्थ्यो नि
सोचेको मात्र हैन है कान्छी आँटेको पुग्थ्यो नि
हुन त हुन्थ्यो आँटेको पुग्थ्यो मर्दले आँटेको
मनको कुरा बुझेर कहिले नजिक डाकेको

सलल बगेको खोला गण्डकी
मरी लानु के छ र दुई दिने जिन्दगी

नाकैमा फुली शीरमा रिबन के विघ्न सुहाको
तिम्रो र हाम्रो जोडीलाई हेर दैवले जुराको
काटीमा कुटी कौवाको मासु खाऊँ भने घिन लाग्छ
खुबीमा छैन लानलाई तिम्रो जान त मन लाग्छ

सलल बगेको खोला गण्डकी
मरी लानु के छ र दुई दिने जिन्दगी
रातलाई चन्द्र दिनलाई सूर्य तिमी चाहिं मलाई
ज्यान गए जाला शरम छैन छोड्दिन तिमीलाई
ढल्केर जाने पापी यो जोवन कति कतिञ्जेल रहने हो
मैले त आँटे तिमीसँग जाने यो जोवन तिम्रै हो

सलल बगेको खोला गण्डकी
मरी लानु के छ र दुई दिने जिन्दगी