Last modified on 6 सितम्बर 2016, at 04:37

आई गैन रितु बौड़ी, दाँई जसो फेरो / गढ़वाली

   ♦   रचनाकार: अज्ञात

आई गैन रितु बौड़ी, दाँई[1] जसो फेरो[2],
फूली गैन बण बीच, ग्वीराल बुराँस!
झपन्याली[3] डाल्यों मा, घूघती[4] धूरली,
गैरी-गैरी[5] मा, म्योलड़ी बोलली
उचि उचि डाँड्यों मा, कफू वासलो।
मौलली भाँति भाँति की फुलेर डाले!
गेऊँ-जौ की सारी[6], सैरीं[7] पिंगली ह्वैन,
राडा की रडवाड़ियों मा, मारी रुणाली!
डाँडी काँठी गूँज, ग्वेरू की मुरल्योंन[8],
गौं की नौनी स्ये, गीत वसंती गाली।
जौं की ब्वई[9] होली, मैतुड़ा[10] बुलाली,
मेरी जिकुड़ी मा ब्वै, कुयेड़ी-सी लौंकी।

शब्दार्थ
  1. लौट
  2. चक्कर
  3. हरी-भरी
  4. फाखता
  5. गहरी
  6. खेत
  7. सरसों
  8. बांसुरी
  9. माँ
  10. मायके