भारत की संस्कृति के लिए... भाषा की उन्नति के लिए... साहित्य के प्रसार के लिए
लोक संगीत
कविता कोश विशेष क्यों है?
कविता कोश परिवार

आत्माको अभिमान / पूर्णप्रसाद ब्राह्मण

Kavita Kosh से
Sirjanbindu (चर्चा | योगदान) द्वारा परिवर्तित 20:04, 9 जुलाई 2018 का अवतरण

(अंतर) ← पुराना अवतरण | वर्तमान अवतरण (अंतर) | नया अवतरण → (अंतर)
यहाँ जाएँ: भ्रमण, खोज



माटा हुन् दरबार मोटर तथा पन्ना हिरा माणिक
सच्चा वैभव धर्म हो, जगतमा बन्धुत्व जो मर्दछ
मैरो त्यो धन हो, म लड्छु त्यसका लागी विरोधीसँग
आफू मिट्न तयार छू, तर म के मिट्थें कहाँ कोसँग ?
                             (१)

आत्मा हुँ म, अनन्तबाट अहिल्यै टुक्रेर आएँ यहाँ
छैनन् भीति र मृत्यु आदि अरुको जस्तो बखेडा ममा
नाङ्गो छ, तर भित्र आत्मबलको ज्वालामुखी ग्याँस छ
लाखौं उद्धत राष्ट्रलाई सहजै पल्टाउने आँट छ
                              (२)

नेता हूँ सब धर्मवीरहरुको औ धर्मसंग्राम को
धर्मस्थापन नै अशान्तभवमा मेरो सफा लक्ष्य हो
आऊन् रावण, कुम्भकर्ण अथवा, आऊन् अरु दानव
मेरो सत्य छ धर्म, निष्फल भई मैदान पर्छन् सब
                              (३)

आगो हार्छ मदेखि साथर त्यसै पस्रन्छ ठण्डा बनी
चड्का काँप्तछ, छिन्नभिन्न भइ त्यो आत्तिन्छ आँधी पनी
पैलो सृष्टि मुहूर्तदेखि अहिले लाखौं शताब्दीतक
मेरो यै इतिहास हो- 'जगतमा पख्रन्न कोहीसित'
                              (४)

मेरा देह र जाति पातिहरु जो संकीर्णतामा थिए
ती सारा कति मारिए, कति त्यसै झुन्ड्याइए जेलिए
मैले ता कति शत्रु देशहरुमा गै तोप गोला पिएँ
टुक्रयाएँ कति नेल जेल कति ती फोरें र भापा गरें
                             (५)

(नोट- पं. बदरीनाथद्वारा सम्पादित पुस्तक पद्यसङ्ग्रह बाट भाषाका तत्कालिन मान्यतालाई यथावत राखी जस्ताको तस्तै टङ्कण गरी सारिएको)