भारत की संस्कृति के लिए... भाषा की उन्नति के लिए... साहित्य के प्रसार के लिए
लोक संगीत
कविता कोश विशेष क्यों है?
कविता कोश परिवार

एक कोठा, एक उद्देश्य र एक इन्टेलेक्चुअल नारी / पारिजात

Kavita Kosh से
Sirjanbindu (चर्चा | योगदान) द्वारा परिवर्तित 11:28, 14 मार्च 2019 का अवतरण ('{{KKGlobal}} {{KKRachna |रचनाकार=पारिजात |अनुवादक= |संग्रह= }} {{KKCatKavita}...' के साथ नया पृष्ठ बनाया)

(अंतर) ← पुराना अवतरण | वर्तमान अवतरण (अंतर) | नया अवतरण → (अंतर)
यहाँ जाएँ: भ्रमण, खोज

हावाको बिपरित दिशातिर फर्केको झ्याल
एउटा मामुली टेबल
जीवनको प्रतिबिम्बस्वरुप एउटा ऐना
गाजल, पाउडर, क्रीम र आइ ब्रो-पेन्सिल
इन्टेलेक्चुअलका नातामा राखिएका
एउटा अंग्रेजी नवेल् र केही दैनिक अखबार
यो एक इन्टेलेक्चुअल नारीको कोठा हो ।

भर्खरै गफ सिद्धिएको न्यानोपनमा
ब्वाय फ्रेण्डहरूका स्मृति चिन्हस्वरूप
यताउता पल्टिरहेका छन्
चियाका रित्ता कप र चुरोटका ठुटा
नेपाली सुकुल
त्यसपछि सीमाबद्ध सतरन्जा
आदर्शको सीमा नाघ्न नसके तापनि
सुकुलको सीमा नाघेर
ब्वाय फ्रेन्डहरू कहिलेकाहीँ बिच्छ्यौनासम्म पुगिदिन्छन्
सधैँसधैँ असन्तोषको सपना बोकेका
नरम तकियाहरूमा पल्टिदिन्छन् ।

यस कोठाभित्र एउटा उकुसमुकुस छ
एउटा छट्पटी छ
झाँसीकी रानी, जोन अफ आर्क र म्याडम क्युरीका सम्झनाहरू
समाज, उद्देश्य र स्थितिसँग मिल्न नसकेर
प्रतिक्रिया झैं हाँसिरहेका हुन्छन्
खोइ कहाँ कहाँ छन् कृष्णकी राधा
रामकी सीता, मनुकी पुज्या
यहाँ त उसको श्रमले
एउटा कठोर जीवनवृत्ति अपनाइसकेको छ
यहाँ त उसका थकित पसिनाका थोपाहरू
धरौटी बस्छन्
एक ग्रेजुएटका पे स्केल अन्तर्गत
महिनाको अन्त्यमा आउने
अन्जुलीभर कागजका दामहरूमा ।