भारत की संस्कृति के लिए... भाषा की उन्नति के लिए... साहित्य के प्रसार के लिए
लोक संगीत
कविता कोश विशेष क्यों है?
कविता कोश परिवार

गीत 2 / अठारहवां अध्याय / अंगिका गीत गीता / विजेता मुद्‍गलपुरी

Kavita Kosh से
Lalit Kumar (चर्चा | योगदान) द्वारा परिवर्तित 01:56, 18 जून 2016 का अवतरण ('{{KKGlobal}} {{KKRachna |रचनाकार=विजेता मुद्‍गलपुरी |अनुवादक= |संग...' के साथ नया पृष्ठ बनाया)

(अंतर) ← पुराना अवतरण | वर्तमान अवतरण (अंतर) | नया अवतरण → (अंतर)
यहाँ जाएँ: भ्रमण, खोज

कुछ विद्वान एहन, जे सब कर्मे के त्याज्य बतावै छै
कुछ तप-दान और यग के नै कखनों त्याज्य बतावै छै।

हे अर्जुन, पहिने तों
त्यागे के बढ़ियाँ से जानोॅ,
त्याग, सात्विक-राजस-तामस
तीन भेद छै मानोॅ,
उत्तम पुरुष सदा जीवन में सात्विक त्याग निभावै छै।

उत्तम पुरुष सदा
राजस-तामस के त्याग करै छै,
यग-दान आरो तप कर्मो
के नै त्याग करै छै,
यग-दान-तप बुद्धिमान के और पवित्र बनावै छै।

दान-यग-तप तीनों के
बन्धन कारक नै मानोॅ,
हय तीनों अन्तः के
पावन कर्ता छिक पहचानोॅ,
ज्ञानी तीनों कर्मो में निष्काम भाव अपनावै छै
कुछ विद्वान एहन, जे सब कर्मे के त्याज्य बतावै छै।