भारत की संस्कृति के लिए... भाषा की उन्नति के लिए... साहित्य के प्रसार के लिए
लोक संगीत
कविता कोश विशेष क्यों है?
कविता कोश परिवार

चुनाबपछि / सुवास खनाल

Kavita Kosh से
Sirjanbindu (चर्चा | योगदान) द्वारा परिवर्तित 09:18, 31 मई 2017 का अवतरण ('{{KKGlobal}} {{KKRachna |रचनाकार= सुवास खनाल |अनुवादक= |संग्रह= }} {{KKCa...' के साथ नया पृष्ठ बनाया)

(अंतर) ← पुराना अवतरण | वर्तमान अवतरण (अंतर) | नया अवतरण → (अंतर)
यहाँ जाएँ: भ्रमण, खोज


गाउँबाट बोकेर भागेको छ बतासले विकासे नारा

अब उस्तै छ गाउँ

कलेटी परेको ओठमा जिब्रोले थुक दल्दै
बारीमा कोसाबाट फुट्न थालेको भटमास स्याहार्दै छ चिम्से कान्छा
मासको झाल खेतको आलिबाट हराएको गुनासो छ पौडेल जेठाको
भैँसीले अम्रो खसालेन भन्दैछन् तिम्सिना काइँला

गाउँको चौतारीमा
चल्न सुरु भएको छ ज्यालापर्मका कुरा

चुनाब अघि
आएथे प्लास्टिकका नयाँ भाँडाझै सुकिला मान्छेहरु गाँउमा
सुपर ग्लुले टाँसिएझैँ हातले गरिरहेथे एकोहोरो नमस्कार

फेरि हराएको छ गाउँमा कृतिम मुस्कानको व्यापार

बोल्न नसक्ने गोपीलाल गइरहेछ गोठालो
बिहे नभएकी तिर्कीमायाँ हिँडिरहिछे पत्कर सोहर्न
‘सर्पको बिगबिगी भो’–भन्दै छिन् मञ्जु भाउजु

चुनाबी सुरमा
बेलबहादुरलाई पिटी भाग्ने
बोम्जन साहिँलो
फर्केको छ गाउँ र गर्दैछ पछुतो

कुनै फिरङ्गी चटकेझैँ
चुनाब आयो र फर्की गयो
उस्तै छ गाउँ
चुनाब अघि , चुनाब पछि ।