भारत की संस्कृति के लिए... भाषा की उन्नति के लिए... साहित्य के प्रसार के लिए
लोक संगीत
कविता कोश विशेष क्यों है?
कविता कोश परिवार

जसरी बादलसँगै रहन्छ पानी / गीता त्रिपाठी

Kavita Kosh से
Sirjanbindu (चर्चा | योगदान) द्वारा परिवर्तित 10:43, 13 अगस्त 2018 का अवतरण ('{{KKGlobal}} {{KKRachna |रचनाकार= गीता त्रिपाठी |अनुवादक= |संग्रह= }}...' के साथ नया पृष्ठ बनाया)

(अंतर) ← पुराना अवतरण | वर्तमान अवतरण (अंतर) | नया अवतरण → (अंतर)
यहाँ जाएँ: भ्रमण, खोज


यसरी नै रहन देऊ
यसरी नै…।
मलाई
जसरी बादलसँगै रहन्छ पानी
घामसँगै रहन्छ छाया

निद्रासँगै रहन्छ सपना

यहाँ बादलसँग छुट्टिनु भनेको त
मैलाउनुरहेछ अनुहार
रित्तिनुरहेछ बगरहरुसँग

आफ्नै जीवनको मरुभमिमा
निरर्थक बाँचिरहनुरहेछ मृगतृष्णा

प्रत्येक बिहान
वसन्त गाएर कोइलीले
जगत्भरिभरि रित्याउँछ आवाज
बगैँचाभरिभरि जगाउँछ सपना
र उसैगरी बारबार
निस्तब्ध खडेरीको मृत्य-मध्यान्हमा
विरानो बाँच्छ स्वयं
यही सहरमा

आफ्नै छायाको अभिसाप बोकेर
आफैबाट भाग्नुको उपहासभन्दा
तिमीसँगै रहनदेऊ मलाई
यहाँ
घामबाट अलग्गिनु भनेको त
पोखिनुरहेछ फेरिफेरि
उही अविश्रान्त अँध्यारोमा

गीताका पवित्र मन्त्रहरु
ओठमा टाँगेर
एउटा आँखा च्यातिएको तस्वीरजस्तै
भित्ताभरि पोष्टर बाँच्नुरहेछ जिन्दगी

टुट्नुरहेछ आफैभित्र पटकपटक