Last modified on 17 जुलाई 2015, at 12:03

नवगुन लगल सनेह, सोहाग रात निंदिया / मगही

मगही लोकगीत   ♦   रचनाकार: अज्ञात

नवगुन[1] लगल सनेह, सोहाग रात निंदिया।
सेहो पयसी सुतलन दुलरइता दुलहा, जवोरे दुलरइतिन दुलही हे॥1॥
ओते सुतूँ ओते सुतूँ सुगही हे, सोहाग रात निंदिया।
पुरबी चदरिया मइला भेल रे, सोहाग रात निंदिया॥2॥
एतना बचन धनि सुनहु न पयलन, सोहाग रात निंदिया।
चलि भेलन नइहरवा के बाट, सोहाग रात निंदिया॥3॥
घुरूँ घुरूँ[2] आहु चलु मोर सेजरिया, सुहाग रात निंदिया।
संखा चुड़िया[3] पहिराय देबो हे, सोहाग रात निंदिया॥4॥

शब्दार्थ
  1. नौगुना, नया
  2. लौट चलो
  3. शंख की चूड़ी