बन के करिखा सिउजी, बने धधकवलन / मगही

बन के करिखा^[1] सिउजी, बने^[2] धधकवलन^[3]।
ओहे करिखा सिउजी, भभूति चढ़वलन^[4]॥1॥
कहवाँ नेहयलऽ सिउजी, कहवाँ छोड़लऽ झोरी^[5]
कउने अमलिए^[6] सिउजी, मोतिया हेरवलऽ^[7]॥2॥
जमुना नेहइली गउरा देइ, गंगा छूटल झोरी।
भँगिए^[8] अमलिए गउरा देइ, मोतिया हेरइली॥3॥
देखलों में देखलों गउरा देइ, तोहरो नइहरा^[9]।
फूटल थारी^[10] गउरा देइ, चुअइत^[11] लोटा।
लाजे न परसे^[12] गउरा देइ, तोहरो महतारी॥4॥
जब तुहूँ उकटलऽ^[13] सिउजी, हमरो नइहरा।
हमहूँ उकटबो सिउजी, तोरो बपहरा^[14]॥5॥
सातो कोठिलवा^[15] सिउजी, सातो में पेहान^[16]।
हाँथ नावे^[17] चलली सिउजी, एको में न धान॥6॥
छनियाँ^[18] एक देखली सिउजी, ओहो तितलउका^[19]।
चेरिया एक देखलीं सिउजी, सबुजी^[20] सेयान।
बावाँ^[21] गोड़^[22] लँगड़ी, दहिना आँख कान^[23]॥7॥
बएला^[24] एक देखली सिउजी, गोला^[25] रे बरधवा^[26]।
कउआ^[27] मारे ठोकर सिउजी, दँतवा निपोरे^[28]॥8॥