भारत की संस्कृति के लिए... भाषा की उन्नति के लिए... साहित्य के प्रसार के लिए
लोक संगीत
कविता कोश विशेष क्यों है?
कविता कोश परिवार

"81 से 90 तक / तुलसीदास / पृष्ठ 2" के अवतरणों में अंतर

Kavita Kosh से
यहाँ जाएँ: भ्रमण, खोज
 
पंक्ति 5: पंक्ति 5:
 
{{KKCatPad}}
 
{{KKCatPad}}
 
{{KKPageNavigation
 
{{KKPageNavigation
|पीछे=विनयावली / तुलसीदास / 81 से 90 तक / पृष्ठ 1
+
|पीछे=विनयावली / तुलसीदास / पद 81 से 90 तक / पृष्ठ 1
 
|आगे=विनयावली / तुलसीदास / पद 81 से 90 तक / पृष्ठ 3
 
|आगे=विनयावली / तुलसीदास / पद 81 से 90 तक / पृष्ठ 3
 
|सारणी=पद 81 से 90 तक / तुलसीदास
 
|सारणी=पद 81 से 90 तक / तुलसीदास

08:43, 17 जून 2012 के समय का अवतरण

पद 83 से 84 तक

(83)

 कछु ह्वै न आई गयो जनम जाय।
अति दुरलभ तनु पाइ कपट तजि भजे राम मन बचन-काय।।

लरिकाईं बीती अचेत चित, चंचलता चौगुने चाय।
जोबन-जुर जुबती कुपथ्य करि, भयो त्रिदोष भरि मदन-बाय।।

मध्य बसस धन हेेतु गँवाई, कृषी बनिज नाना उपाय।
राम-बिमुख सुख लह्यो न सपनेहुँ, निसिबासर तयौ तिहूँ ताय।।

सेये नहिं सीतापति-सेवक, साधु सुमति भलि भगति भाय।
सुने न पुलकि तनु, कहे न मुदित मन किये जे चरित रघुबंसराय।।

अब सोचत मनि बिनु भुअंग ज्यों, बिकल अंग दले जरा धाय।
सिर धुनि-धुनि पछितात मींजि कर कोउ न मीत हित दुसह दाय।।

जिन्ह लगि निज परलोक बिगार्यो, ते लजात होत ठाढ़े ठाँय।
तुलसी अजहुँ सुमिरि रघुनाथहिं, तर्यौ गयँद जाके एक नाँय।।

(84),

तौ तू पछितैहै मन मींजि हाथ।
भयो है सुगम तोको अमर- अगम तन, समुझिधौं कत खोवत अकाथ।1।

सुख-साधन हरिबिमुख बृथा जैसे श्रम फल घृतहित मथे पाथ।
यह विचारि, तजि कुपथ -कुसंगति चलि सुपंथ मिलि भले साथ।2।

 देखु राम-सेवक, सुनि कीरति, रटहि नाम करि गान गाथ।
हृदय आनु धनुबान-पानि प्रभु , लसे मुनिपट, कटि कसे भाथ।3।

तुलसिदास परिहरि प्रपंच सब, नाउ रामपद-कमल माथ।
जनि डरपहि तोसे अनेक खल , अपनाये जानकीनाथ।4।